Fluksi i turistëve që zgjedhin Shqipërinë si destinacion turistik vijon të jetë i lartë në vendin tonë kryesisht gjatë fundjavave. Vetëm në fundjavën që sapo mbyllën u regjistruan gati 17 000 qytetarë të ardhur nga Kosova në vendin tonë përmes pikës së kalimit kufitar të Morinës.
Policia e Kukësit bëri të ditur për ATSH-në se, “të shtunën hyn në pikën kufitare të Morinës 10 525 shtetas me pasaportë të huaj nga Kosova drejt Shqipërisë. Ndërkohë që një fluks i lartë u regjistrua edhe të dielën, ku 6 353 shtetas kaluan kufirin mes Kosovës dhe Shqipërisë nga pika e kalimit kufitar të Morinës në Kukës”. Pavarësisht pandemisë COVID-19, pushuesit nga Kosova kanë zgjedhur Shqipërinë si destinacion turistik për të kaluar pushimet e tyre.
