Një aksident i rëndë rrugor u regjistrua pasditen e sotme në bashkinë e Gramshit. Një mikrobus ka humbur kontrollin duke dalë nga rruga në fshatin Poroçan, në vendin e quajtur ”Toskollare”. Për pasojë një nga pasagjerët ka humbur jetën dhe 4 të tjerë kanë mbetur të plagosur. Viktima është 35- vjeçari me inicialet A.Ll.
“Në fshatin Kabash, Gramsh, automjeti tip mikroautobuz që drejtohet nga shtetasi B.Ç., banues në fshatin Poroçan, Gramsh, si pasojë e një difekti teknik ka dalë nga rruga dhe për pasojë ka humbur jetën shtetasi A.Ll., rreth 35 vjeç, si dhe janë plagosur 4 pasagjerë, të cilët po transportohen me autoambulanc për në Spital.”
Shërbimet e Policisë dhe grupi hetimor ndodhen në vendngjarje dhe po vijon puna për zbardhjen e shkakut të aksidentit.
