Presidenti i Republikës Ilir Meta ka organizuar një pritje shtetërore në nder të 106-vjetorit të Pavarësisë së Shqipërisë, ku të pranishëm ishin me dhjetëra politikanë, diplomatë e personalitete të fushave të ndryshme.
Meta tha gjatë fjalës së tij “Jemi mbledhur për të festuar sot sëbashku, ditën e sakrificës. Është një ngjarje që na bën të ndihemi mirënjohës pa fund. Është një moment historik që na bashkon më shumë se kurrë në luftën e lirisë dhe sovranitetit. Historia dhe vepra e Skënderbeut është sa shqiptare por edhe europiane.
Këtë ndjenjë e përjetova dhe në takimin me arbëreshët. Në këtë vit u bashkuan dy 28 nëntor të lavdishëm. Shqipëria duhet të zgjidh çështjet e emigracionit. Kjo është kambanë alarmi për klasën politike për të krijuar kushte për të rinjtë. Sfidat kërkojnë bashkëpunim për një klimë politike konstruktive, ku të drejtat njerëzore duhet të jenë prioritet i të gjithëve”.
Por ndërkohë reporteri i agjencisë LSA, Malton Dibra, ka fiksuar disa momente nga kjo pritje, ku përfshihen krerë të komuniteteve fetare, diplomatë, politikanë dhe ish-presidenti i Kroacisë Stjepan Mesiç.
Për më shumë shini fotot e mëposhtme:
