Imazhi i një babai që qëndron pranë varrit të djalit të tij është bërë virale në rrjete sociale. Nahuel Perez ndërroi jetë në moshën 19-vjeçare pas një aksidenti me makinë, ku po udhëtonte për të parë San Martín de Tucumán në ndeshjen që pati vite më parë kundër Libertad de Sunchales.
Nahuel e kishte trashëguar dashurinë për klubin Tucumán nga babai i tij, i cili ishte gjithashtu një tifoz i madh futbolli. Dhe futbolli ishte pikërisht filli që mbajti babë e bir të bashkuar përtej vdekjes, jo vetëm në mendime dhe kujtime, por edhe fizikisht.
Babai i tij shkon gjithmonë pranë varrit të tij për të dëgjuar ndeshjen e San Martin në radio. Historia e u bë e ditur ditët e fundit, kur fotoja e babait të Nahuelit u postua në Facebook pranë varrit të djalit të tij teksa dëgjonte në radio ndeshjen e San Martin me Deportivo Maipú, të fituar 2-0 nga skuadra e Tucumán.
“ Vetëm ata që harrohen vdesin ”, shkruhet në mesazhin që shoqëron foton, e cila shumë shpejt u bë virale fillimisht në Argjentinë dhe më pas në të gjithë botën. /abcnews.al
