Mozzik dhe Loredana muajt e fundit kanë qenë kryetemë e medieve rozë, pasi qarkullonin thashetheme për ndarjen e tyre të cilat me kalimin e ditëve kanë rezultuar të vërteta dhe vetë këngëtarja e ka pranuar ndarjen nga Mozzik.
Por menjëherë pas ndarjes duket se secili prej tyre po i përkushtohet në maksimum karrierës dhe Mozzik së shpejti do të hedhë në treg këngën me titull “Dhelpër dinake”. Kënga duket se është dedikim për Loredanën, megjithatë të presim derisa të hidhet në treg. Gjithashtu Mozzik ka promovuar këngën në rrjetet sociale dhe në një foto shfaqet pranë modeles së njohur, Ljubica Madenica. Ata shfaqen mjaft të afërt, por me siguri modelja do të jetë pjesë e klipit.
