Vetëdorëzimi i Kelmend Balilit, të njohur ndryshe edhe si “Eskobari i Ballkanit”, i cili akuzohet për trafik të lëndëve narkotike dhe pjesëmarrjes në grup të strukturuar kriminal, ka sjellë një sërë reagimesh.
Gazetari Flamur Vezaj, ka komentuar vetëdorëzëmin e Blilit, ndërsa paralajmëron se pas kësaj fshihen disa skenarë.
Vezaj u shpreh për Syri.net se dorëzimi i tij ka ardhur pas disa manovrave që janë kryer nga ana e avokatëve të tij.
Sipas gazetarit, Balilit me shumë gjasa mund t’i hiqet akuza e pjesëmarrjes në grup të strukturuar kriminal, çka do të bënte se në rast se do të shpallet fajtor do të dënohet maksimumi 4-5 vite burg.
“Nëse i hiqet akuza e grupit të strukturuar kriminal, ai maksimumi 4 ose 5 vjet. Të gjitha dosjet që kanë arritur në Shqipëri kanë ardhur nga jashtë, qoftë dosja “Shijaku” ashtu dhe dosja “Xibraka”. Ideja e luftës së forcës së ligjit ka ardhur për shkak të presionit nga forcat e huaja”, – tha Vezaj.
