44-vjeçari me inciale J.S. nga Shkupi i Maqedonisë së Veriut ka gjetur vdekjen pasi ka hyrë për t’u larë në liqenin e Ohrit. Policia njoftoi më herët se ka dyshime se 44-vjeçari ka pësuar arrest kardiak.
Në vendin e ngjarjes, ka pasur edhe persona të tjerë, të cilët pasi kanë parë trupin janë afruar për të ndihmuar për ta nxjerrë nga liqeni.
Njëri nga ata tregon se si u bë e mundur nxjerrja e trupit të pajetë të 44-vjeçarit.
Qytetari: Duke kaluar rastësisht, ishte një i mbytur aty pranë bregut. Ja erdhi edhe skafi, e nxorrëm. Tani ta identifikojnë se kush mund të jetë sepse thonë që është maqedonas dhe jo shqiptar.
Pyetje: Ti e nxorre?
Qytetari: Erdhën dhe shokët e tjerë me varka e kapëm dhe e nxorrëm. Ne nuk e dimë fare, thjesht rastësisht qëlloi që e pamë aty duke kaluar rastësisht. Kaluam atje, siç erdhi skafi, i ndihmuam për ta nxjerrë trupin.
Nga kqyrja paraprake e trupit të viktimës, nuk u konstatuan shenja dhune.
Ngjarja ka ndodhur rreth orës 18:00 të ditës së sotme në fshatin Udënisht, Pogradec në liqenin e Ohrit.
Grupi hetimor po punon për zbardhjen e plotë të rrethanave dhe përcaktimin e shkakut të humbjes së jetës.
