Një grabitje me armë ka ndodhur gjatë mbrëmjes së të mërkurës në një agjenci lojërash fati në zonën e Pereas në Selanikun lindor. Sipas informacioneve të para, mësohet se tre persona kanë hyrë në kazino të maskuar totalisht.
Njëri prej tyre ka nxjerrë një pistoletë dhe nën kërcënimin e armës ka arritur të rrëmbejë mijëra euro. Tre autorët dyshohet se janë larguar nga vendi i ngjarjes në këmbë. Ndërkohë forca të shumta policore kanë nisur hetimet për kapjen e grabitësve.