Mediat greke raportojnë për një ngjarje të rëndë të ndodhur sot, teksa një shqiptar është masakruar me thikë nga një i njohuri i tij. Ngjarja ka ndodhur në Nea Anchialos, ku dy burrat me origjinë shqiptare po drekonin midis tyre në shtëpi.
Biseda midis tyre ka agravuar dhe një 45 vjeçar ka qëlluar tre herë me thikë një 38 vjeç, njëra prej të cilave e ka kapur në pjesën e zemrës. Viktima u transportua menjëherë për në Spitalin e Volosit, por gjatë rrugës ka ndërruar jetën. Viktima u godit në sytë e dy fëmijëve të tij që në atë moment ndodheshin në shtëpi.
Agresori pas vrasjes doli nga shtëpia në gjendje të dehur. Sipas mediave ai kishte probleme me alkoolin edhe në të kaluarën.
