Burime nga klubi bëjnë me dije se Teqja ka qenë në një automjet së bashku me partneren dhe kur kanë mbërritur në afërsi të kompleksit, ai ka dalë i pari nga makina.
Burimet bëjnë me dije se portieri ka pasur një debat me partneren dhe pasi ka dalë nga makina, ka vendosur të ngjitet i vetëm në apartamentin që ndodhej në katin e gjashtë të pallatit.
Ndërkohë, partnerja e tij ka qenë ende duke parkuar automjetin dhe nuk ka shkuar me të drejt banesës. Burime të besueshme pranë ngjarjes bëjnë me dije se partnerja e Teqjes ka qenë dëshmitarja e parë poshtë pallatit kur lojtari është hedhur nga kati i gjashtë.
Policia e ka raportuar ngjarjen si vetëhedhje të portierit. Sipas “Top Channel”, Aldo Teqja është hedhur nga kati i gjashtë i pallatit ku ai banonte dhe arsyeja kryesore dyshohet për një zënkë me të fejuarën e tij, pasi në momentin e rënies ai ka pasur në duar disa bizhuteri të arta./Panorama sport
