Hajrie Kuka është mësuese e lëndës së Teknologjisë së Informacionit dhe Komunikimit në shkollën e mesme “Sami Frashëri”, e cila me armën e saj, dijen, është në betejën e mësimit online.
“Ai njeri që i bënë të lehta gjërat e vështira është vetëm mësuesi”, u shpreh sot deputeti i Partisë Socialiste, Ervin Bushati, ndërsa ndau përmes rubrikës “Heronj shqiptarë” shembullin e Kukës, mësuese inovatore dhe shumë e përkushtuar. Mësimdhënia është puna e saj prej 26 vitesh. Mësuese Hajria është shumë e dashur për brezat që kanë marrë dije nga dijet e saj. Ajo shprehet: “unë kam një moto, e cila është: Bashkëpuno dhe motivo, për një sukses të sigurt te nxënësit”.ATSH
