Ish-ylli i Celtic, Emilio Izaguirre u nxitua për në spital pasi u plagos në një trazirë mes tifozëve në Honduras që pa tre tifozë të vrarë dhe shtatë të plagosur, prej tyre tre futbollistë. Qendërmbrojtësi pranoi që të ri-nënshkruajë për klubin e tij të parë në atdheun e tij, Motagua, javën e kaluar pasi la Celtic për herë të dytë gjatë verës, ku ai fitoi 13 trofe në dy sezone.
Por në atë që do të kishte qenë ndeshja e tij e dytë për klubin në ‘Derby Tegucigalpa’ midis palëve të kryeqytetit të Motagua dhe Olimpia, skenat të tmerrshme shpërthyen para ndeshjes kur autobusi i ekipit të tij u sulmua. Izaguirre u dërgua në spital pasi disa pjesë qelqi e goditën në sy – ai ishte një nga tre lojtarët e plagosur, së bashku me shokët e ekipit Roberto Moreira dhe Jonathan Rougier.
Megjithatë, 33-vjeçari ishte në gjendje të konfirmonte nga shtrati i tij në spital se ai nuk pësoi dëme të mëdha. E përditshmja spanjolle Mundo Deportivo pretendon se tifozët e Olimpia hodhën gurë dhe shishe qelqi në autobus.
Problemet filluan pas sulmit në autobus para se dhuna të përhapet në fushën e lojës, e cila kishte 10,000 tifozë tashmë në të. Ndeshja u shtye për një ditë të caktuar.
