Me një dashuri të madhe, një burrë i shtrëngon dorën gruas së tij, teksa shtriheshin krah për krah në dy shtretër spitali gjatë lamtumirës së fundit. Ishte hera e fundit kjo që John dhe Marjorie Wilson do të ishin së bashku për ‘momentin e fundit’ në martesën e tyre prej 69 vitesh.
Ditën e djeshme një fotografi e lamtumirës së tyre u publikua nga djali i tyre Kurt, i cili tha se kurrë nuk do ta harronte momentin kur babai i tij, 92 vjeç, pa për herë të fundit Marjorie, 88 vjeç, para se të vdiste nga kanceri vetëm disa ditë më vonë.
Z.Wilson në fund të majit u diagnostikua me kancer, në të njëjtën kohë kur gruaja e tij ishte shtruar në Spitalin Queens në Burton-upon-Trent, Staffs. Infermierja Emma Barker organizoi shtretërit dhe i afroi së bashku, pasi mendonte se mund të ishte shansi i fundit që çifti do shihnin njëri-tjetrin. Ata i mbajtën duart shtrënguar për rreth 10 minuta.
