Kreu i qeverisë Edi Rama iu është përgjigjur akuzave greke dhe shqiptare për qëndrimin e mbajtur pas varrimit të Konstantinos Katsifas në Bularat të Gjirokastrës.
Duke iu përgjigjur një prej eksponentëve të Demokracisë së Re në Greqi, i cili deklaronte se Rama i kishte hedhur benzinë zjarrit, kryeministri thotë se ska më mirë sesa të jetë i sulmuar nga të dyja palët, duke iu referuar dhe akuzave të bëra në vendin tonë.
Reagimi i Ramës:
Sipas kokave të përndezura të politikës greke e kazanëve të atjeshëm, dje i paskam hedhur benzinë zjarrit, ndërsa sipas Kadrinjve tanë politikë e mediatikë paskam pranuar në heshtje përdhosjen e vendit! S’ka më mirë se sa i sulmuar nga dy palë qirie Kadrinj që s’i duhen dreqit.
Ishte zëdhënësi i Demopkracisë së re Giorgos Koumoutsakos, i cili i quajti të papranueshme deklaratat e kryeministrit shqiptar Edi Rama, bërë një ditë më parë për çështjen Katsifa.
‘’Edi Rama dje i hodhi benzinë zjarrit, kur foli në rrjetet sociale për varrimin e Katsifas. Deklaratat e tij ishin provokative dhe të papranueshme. Qeveria jonë heshti, duke e inkurajuar atë”, shprehej mes të tjerave Koumoutsakos.
Çfarë deklaroi Rama dje:
Ndihem mirë që në këto raste i përkas këtij vendi, se do ishte e paimagjinueshme që kjo të ndodhte invers, 1000 vetë të veshur kuq e zij, të shkonin në Greqi dhe të këndonin për Çamërinë dhe besoj se do ishte ndezur flakë qeverinë dhe të gjithë.
Ndërsa këtu nuk ndodhi asgjë e tillë për këtë ngjarje sa të dhimbshme aq dhe qesharake. Kjo është vlerë për ne dhe shkon me traditën tonë, që shkon për shtat lotëve të familjarëve në këtë arkmort.
Unë besoj se ne kemi pasur një qasje shumë serioze edhe me palën greke, janë vrarë shqiptarë në Greqi dhe pala greke ka kërkuar një hetim të përbashkët, dhe ne kemi refuzuar sepse kemi bërë atë që është bërë në rastet e mëparshme.
Prokuroria ka reaguar për një proces ekspertize, dhe pas tyre do diskutohet, nëse do të diskutohet më për këtë çështje
Por unë di që as në Greqi as në Shqipëri dhe as Honolulu, një njeri që kërcënon me armë disa persona të paarmatosur, nuk tolerohet
