Fier/I vodhi me dhunë varësen një shtetaseje, arrestohet 40-vjeçari. Shërbimet e Komisariatit të Policisë Fier, pas marrjes së njoftimit se në lagjen “8 Shkurti”, Fier, shtetases E. I., 25 vjeçe, i kishin vjedhur me dhunë varësen e floririt që mbante në qafë, kanë shkuar menjëherë në vendngjarje. Falë veprimeve të shpejta dhe profesionale, shërbimet e Policisë kanë bërë të mundur identifikimin dhe kapjen e autorit të dyshuar të ngjarjes.
Në vijim të veprimeve procedurale, specialistët për Hetimin e Krimeve në Komisariatin e Policisë Fier arrestuan shtetasin E. K., 40 vjeç, banues në Fier, për veprën penale “Vjedhja me dhunë”.
U sekuestrua në cilësinë e provës materiale varësja që ky shtetas i vodhi me dhunë 25-vjeçares. Në datën 29.06.2022, në Komisariatin e Policisë Fier, ka bërë kallëzim shtetasi M. L., 64 vjeç, banues në Fier, se është larguar nga banesa dhe nuk është kthyer më, kunati i tij, shtetasi G. A., 63 vjeç, banues në Mbyet, Fier. Po punohet për gjetjen e 63-vjeçarit. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
