Është sulmuar sot në Fushë-Arrëz drejtori i Ujësjellësit në këtë qytet, Anduel Gjinaj. Ka qenë vetë ai, që ka bërë denoncimin në Polici dhe në Prokurorinë e Pukës i cili thotë se është dhunuar nga shtetasi Marjan Qafa.
Sipas tij, drejtori vendosi për ndërprerjen e një linje të paligjshme të ujit që i përkiste Marjan Qafës. Sipas “Panorama”, Gjinaj deklaron se ka depozituar padinë e tij ndaj Qafës dhe se askush nuk mund ta shantazhojë për ushtrimin e detyrës.
“Jam Anduel Gjini, sapo kam bërë kallëzimin përpara prokurorisë së rrethit gjyqësor Pukë sepse shtetasi Marjan Qafa më ka goditur sepse i kam prerë linjën e paligjshme të ujit. Nuk e njoh përpara Marjanin dhe nuk kam pasur asnjë marrëdhënie me të ndaj unë ia lë prokurorisë dhe gjykatës që të merret me zotërinë në fjalë.
Asnjë nuk më intimidon dhe nuk më shantazhon as nuk më ushtron presion për të ushtruar detyrën time që më ka lënë ligji në funksion të ndërmarrjes” – tha Gjini. Deri më tani nuk ka ende asnjë njoftim nga ana e policisë.