Shpëtim Idrizi Kryetari i Partisë për Drejtësi dhe Unitet ishte në ambientet e Presidencës për të diskutuar datën më të përshtatshme për mbajtjen e zgjedhjeve të ardhshme parlamentare. Në takimin me Metën, Idrizi bëri me dije se i propozoi ditën më të afërt që lejon Kushtetuta, që indirekt i bie të jetë data 18 prill. Në prononcimin e tij për media kreu i PDIU, u shpreh gjithashtu se me presidentin diskutoi për çështjen e detit me Greqinë, ku i bëri me dije se Shqipëria nuk ka çfarë të diskutojë për kufijtë e saj me këtë shtet. Sipas Idrizit, Koventa e MonteGo Bay e vitit 1982 tregon mjaft qartë që zbatimit i parimit 12 milje kryhet vetën në ato raste ku e lejon largesia më e madhe se 24 milje. Shqipëria duhet të diskutojë Zonën Ekonomike Ekskluzive dhe jo ujërat territorial të cilët janë delimituar tashmë.
“Qeveria shqiptare nuk duhet të pranojë më devizën e Greqisë. Shqipëria nuk ka çfarë të diskutojë më për kufijtë me Greqinë. Kufijtë e Shqipërisë me Greqinë janë përcaktuar nga padrejtësitë e Konferencës së Paqes së Parisit. Ne nuk kemi ça diskutojmë me Greqinë për ujërat territorial, por vetëm për zonën Ekonomike Ekskluzive. I bëra me dije zotit Ilir Meta që në mënyrë të përsitur qeveritë shqiptare kanë fshehur axhendën e takimeve si dhe kanë punuar në interes të Greqisë”. –u shpreh Idrizi.
