Rolando Lekaj është modeli shqiptar që jeton prej 8 vitesh në Kinë. Ai është i martuar me Tereza Lekaj, sipërmarrësen e famshme në të gjithë botën. Bashkëshortja e modelit shqiptar shpesh është komentuar për pasurinë e saj në fushën e bukurisë pasi ka kompaninë më të madhe në Kinë.Çifti ka një djalë, Royëen Lekaj, i cili në muajin Tetor mbush 3 vjeç. I ftuar tek “Rudina”, Rolando ka treguar historinë e dashurisë së tyre. “Para 6-7 vitesh, jam njohur me të në punë. Unë punoja për kompaninë e saj. E pa se çfarë bëja unë në punë edhe ne shqiptarët kur duam të arrijmë diçka, e kemi zgjuarsinë dhe nuk jemi përtacë siç janë në vende të tjera të botës. Në atë kohë nuk e dija gjuhën kineze, flisja pak dhe më dha 2-3 herë mundësinë të jem pjesë e takimeve të mëdha me menaxherët e kompanisë.
Isha bashkë me përkthyesen time që më përkthente nga anglishtja në gjuhën kineze. Ishin rreth 30 menaxherë dhe më ftoi për darkë, unë nuk e dija që ishin menaxherët më të mëdhenj të kompanisë. Tha se janë miq të mirë dhe kemi një darkë për qejf kështu që rri i qetë. Teksa darkonim, bëra pyetje rreth punës, rreth kompanisë, sepse në atë kohë kishim një ide për të blerë një spital në Gjermani, të cilin e kemi dhe operojmë edhe në Gjermani. Shumë nga përgjigjet e mia i pëlqyen bashkëshortes dhe menaxherëve. Ajo kishte simpati për mua, edhe unë simpati për të. Ndenjëm për rreth 1 vit e ca në raportin pronar – punonjës, domethënë ishte pronarja ime, e respektoja. Pastaj unë kisha realisht një pëlqim të madh për të dhe kisha dëshirë të krijoja një familje me të, sepse nuk më intereson pasuria e saj duke qenë se edhe para njohjes me nusen time kisha një jetë goxha të mirë në Pekin, kisha një punë goxha të mirë dhe goxha të ardhura. Por si i thonë asaj fjalës, ‘edhe nëse bashkëshortja është me një status goxha të lartë, faleminderit Zotit, pse jo, është mëse e mirëpritur.”, tregoi Rolando Lekaj.
