Policia italiane ka shkatërruar një grup të akuzuar si trafikantë droge në vendin fqinje.
Policia thotë se kreu i organizatës është 41-vjeçari shqiptar Alfred Lecini, i cili ndodhet në burg në Tolmezzo të Udines i dënuar me 11 vjet e 6 muaj.
Sipas mediave vendase, Lecini menaxhonte punët e grupit direkt nga qyteti i tij i lindjes Elbasani, i konsideruar si një nga qytetet shqiptare të drogës, por u arrestua sapo shkeli në Itali dy vite më parë.
Krahu i tij i djathtë, ajo që hetuesit mendojnë se është referent për trafikun e drogës në Emilia, është 55-vjeçari me origjinë maqedonase Hatim Huseini, me banim në Ferrara, qyteti ku u arrestua dy ditë më parë nga policia dhe ku ndodhet tani në qeli.
Gjithashtu në pranga ka rënë Nabil Kalchi, një 46-vjeçar maroken, i cili operonte midis Reggio dhe Parma, i ndaluar me një Bmw X6, katër mijë euro cash dhe disa çeqe. Dhe bashkëkohësi Marco Cantori, një vendas nga Città di Castello (Perugia), u kap në flagrancë me 70 gramë kokainë dhe u arrestua në vend.
Së fundmi dy të akuzuarit, që sipas hetuesve ishin ngarkuar për ‘pastrimin’ e parave, janë 37-vjeçarja shqiptare Alketa Basha, e arrestuar në Brescia, e ndalur në Venecia me 79 mijë euro cash fshehur në makinë, si dhe 26-vjeçari Fabion Lecini, kushëri i bosit të dyshuar. Hetimet vazhdojnë.
