Hoteli 7-katësh në bregdetin e Sarandës, për të cilin u lëshuar 11 urdhërarreste nga Prokuroria e Sarandës, rezulton në pronësi të ish-drejtorit të ALUIZNI-t, Mariel Mërtiri. Ai e kishte blerë godinën ekzistuese dhe ka marrë leje për rikonstruksion e hotelit.
Por Mariel Mërtiri e ka rrënuar të gjithë godinën dhe ka rindërtuar nga fillimi, madje duke shtuar edhe kate shtesë. Më pas ai ka arritur ta legalizojë hotelin pa leje, i cili është vendosur në funksion prej rreth 2 vitesh.
Veprimet Mariel Mërtiri i ka kryer pasi ka lënë detyrën e drejtuesit të ALUIZNI Sarandë dhe ishte emëruar në një detyrë tjetër drejtuese.
Hotelit iu vu eksplozivi dy herë brenda pak viteve të fundit.
Më 9 shkurt 2021 një shpërthim i fuqishëm me tritol u regjistrua në Sarandë. Shpërthimi ndodhi në hotelin e ish-kreut të ALUIZNI-t në Sarandë, Mariel Murati. Mësohet se tritoli u vendos në tarracën e hotelit dhe dyshohet se ka qenë i lidhur me rrymën elektrike, sepse sapo roja ndezi d dritën, ka shqëprthyer menjëherë.
Më datë 29 qershor 2022, rreth orës 22:40, në lagjen nr.4, Sarandë, në hyrjen e një garazhi, në pronësi të shtetasit M. M, ka shpërthyer një sasi e vogël lëndë plasëse. Si pasojë janë shkaktuar dëme të vogla materiale. Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes, identifikimin dhe kapjen e autorit, njoftonte policia.
Mirëpo në deklaratën e tij, pronari i hotelit, Mariel Murati ka pretenduar se shpërthimin e shkaktoi një bombul gazi dhe jo eksploziv, ashtu siç e raportoi më herët Policia e Sarandës.
Hoteli ishte hedhur në ankand nga banka, por Murati arriti ta blejë sërish, teksa ka deklaruar në polici mbrëmjen e së mërkurës, në 29 qershor 2022, se nuk e di kush mund të jetë autori, pasi ai nuk ka konflikt me asnjë.
Objektivi i shpërthimit në numër 4 në Sarandë ka qenë Mariel Murati, pronar i një hoteli dhe ish drejtori i ALUIZINI në Sarandë. Murati ka qenë edhe vitin e kaluar pre e një shpërthimi të ngjashëm me tritol po në hotelin e tij.
