Dhuna ndaj gruas vazhdon të mbetet problem i shoqërisë në Shqipëri. Vetëm këtë vit 3 grave u është prerë jeta në mes për motive që konsiderohen banale. Për qytetarët faktorët që çojnë një konflikt deri në vrasje janë xhelozia dhe ekonomia.
“Njeriu është shumë i komplikuar dhe varet si përshtat nga gjithë llojet e kushtet ekonomike, sociale”
“Është mentaliteti i shqiptarit, jemi akoma me kohën e Turqisë”
“Për shkak të tradhtisë, gënjeshtrat”
Për ekspertët e fushës pavarësia e femrës ka bërë që ato të ngrenë zërin ndaj padrejtësive dhe kjo irriton shoqërinë tonë maskiliste. Psikologia Anxhela Peza thotë se problem mbetet moskomunikimi që çon deri në veprime ekstreme.
Anxhela Peza: Është bërë një formë e zakonshme, e pranueshme që një burrë të vrasë një grua. Problemi zgjidhet duke shkuar në divorc, duke komunikuar me njëri-tjetrin.
Vetëm gjatë vitit që lamë pas në Shqipëri kanë humbur jetën si pasojë e dhunës 16 gra dhe vajza dhe në të shumtën e rasteve autorët janë partnerët ose njerëzit e afërm të familjes./oranews
