Një ngjarje e denjë për filmat horror ka ndodhur disa çaste më parë në Bulevardin Gjergj Fishta në Tiranë, ku një e moshuar me emrin Neribane është gjetur e pajetë pas shtatë muajsh në bodrum. Ndërkohë, një qytetar ka dërguar një mesazh pranë redaksisë së JOQ ALBANIA, ku ka treguar më shumë detaje në lidhje me ngjarjen tronditëse. Qytetari në fjalë, ka thënë se kanë njoftuar disa herë institucionet dhe bashkinë për të shkuar tek banesa e së moshuarës, por këta të fundit nuk e kanë gjetur. Gjithashtu, ai shton se edhe qiradhënësia është njoftuar, por nuk ka shkuar asnjëherë, pasi gjatë kësaj kohe ka marr qiranë nga palë të treta që besohet të jetë Kisha, apo një institucion bamirësie. Ndër të tjera, qytetari thekson se ditën e sotme qiradhënësia boshatisi shtëpinë dhe gjeti kufomën e së moshuarës pas divanit.
Më konkretisht, qytetari është shprehur se:
Pershendetje! Po ju shkruajme per nje rast qe po ndodh tani. Jemi te terrorizuar dhe te pikelluar, pasi sot pas 7 muajsh u gjet e vdekur ne bodrum nje e moshuar. Ne kemi biznesin mbi vendin ku banonte dhe kemi njoftuar disa here institucionet dhe bashkine te cilet edhe pse kane ardhur nuk e kane gjetur. Qiradhensia qe eshte njoftuar por nuk ka ardhue asnjehere pasi gjate kesaj kohe ka marr qirane nga pale te treta qe besohet te jete Kisha apo nje institucion bamirsie. Sot me ne fund erdhi qiradhensia te boshatisi shtepine dhe e gjeti kufomen gruas se moshuar pas divanit. Ju lutem nese vini tani ne vendngjarje e ta zbardhim historine do vihej ne vend drejtesia per Neribanin e shkret.
Një 70-vjeçare në Tiranë, e cila jetonte e vetme, është gjetur e dekompozuar në banesën e saj. Sipas asaj që raporton Policia e kryeqytetit, 70-vjeçarja me iniciale M.M, jetonte pranë bulevardin “Gjergj Fishta”.
Njoftimi i Policisë së Tiranës për ngjarjen: Informacion paraprak Me datë 28.01.2021, në bulevardin “Gjergj Fishta”, në një dhomë ku banonte e vetme është gjetur e dekompozuar shtetasja M. M., 70 vjeçe. Grupi hetimor vijon punën për sqarimin e rrethanave të ngjarjes, ku paraprakisht dyshohet se është vdekje natyrale.
