E gjithë bota është përfshirë nga një pandemi vrasëse e cila duket se nuk po mbaron kurrë. Nëse në pranverë shumë pak prej nesh njihnin njerëz të infektuar, tashmë secili nga ne njeh plot të prekur dhe disa që kanë humbur jetën. Por a ka një zgjidhje që të mos infektohesh nga koronavirusi duke bërë jetën normalisht në një vend që zgjedh të jetosh?
Në fakt ka dhe kushton duke nisur nga 7.700 euro. Mjafton të blesh një ishull. Po, po. Online gjenden qindra e qindra ishuj që janë në shitje kudo në botë. Nga më të vegjlit e deri te shumë të mëdhenj. Por edhe më i vogli, ka një shtëpi të bollshme, plazh, pyll dhe hapësira të tjera dhe jo pak, por mbi 4 mijë metra katrorë. E nëse zgjedh të blesh e të jetosh në ishull në këto kohë pandemie, duket se ke fituar qetësinë duke jetuar pa kokëçarje. Ishulli që shihni më poshtë ndodhet në Kanada dhe është në shitje për 12 mijë CAD ose 7734 euro apo 1 milion lekë të rinj.
Një tjetër që shihni më poshtë gjendet gjithashtu në Kanada ka 33 mijë metra katrorë dhe kushton 23 mijë euro. Sigurisht që ka dhe më të mëdhenj, por edhe më të shtrenjtë. Të tillë gjen plot në Europë, sidomos në Greqi, Kroaci, Itali, Irlandë, etj. Në Finlandë për shembull mund të blesh një ishull të bollshëm bashkë me shtëpinë, për 153 mijë euro. E pra, nëse mendoni se mund të zgjidhni një opsion të tillë, mjaft të kërkoni në google me Islands for sale dhe do të gjeni plot mundësi blerjeje.
