Ministrja e Shëndetësisë, Ogerta Manastirliu, përmes një postimi në facebook, ka bërë me dije se në Rinas ka zbritur avioni nga Katari me 10 ton materiale të mbrojtjes personale. ”Mirënjohje shtetit të Katarit për mbështetjen e pakursyer për Shqipërinë në ditë të vështira”,-shkruan Manastirliu në facebook.
Postimi i plotë
Një tjetër gjest solidariteti nga shteti i Katarit për vendin tonë . 10 ton materiale të mbrojtjes personale, maska, mbrojtëse për fytyrën, syze dhe veshje speciale kanë mbërritur sot në aeroportin “Nënë Tereza”, në ndihmë të mjekëve në vijën e parë, për përballimin e #COVID19. Mirënjohje shtetit të Katarit për mbështetjen e pakursyer për Shqipërinë në ditë të vështira.
