Kjo fundjavë do të jetë me të njëjtat rregulla si e kaluara në zonat e kuqe do të kenë liridalje pensionistët dhe prindërit me fëmijë deri në 14-vjeç. Pensionistët lejohen të dalin lirisht deri në orën 10:00. Ndërsa të gjithë të tjerët do të qëndrojnë në shtëpi përgjatë kësaj fashe orare.
Prindërit me fëmijët deri në 14 vjeç do të lejohen të dalin lirisht nga ora 11:00 deri në orën 17:30. Sot do të qëndrojnë hapur vetëm ushqimoret dhe farmacitë deri në orën 17:30. Ditën e dielë të gjitha bizneset do të qëndrojnë mbyllur. Ndërsa ndalohet qarkullimi i automjeteve private.
Këto masa janë vetëm për zonat e kuqe, që janë 6 bashki; Tiranë, Durrës, Shkodër, Kurbin, Krujë dhe Fier, të cilat kanë dhe numrin më të lartë të të infektuarve me Civid-19. Pjesa tjetër e vendit, pra bashkitë e gjelbra do të funksionojnë sipas rregullave të reja. Në këto bashki lejohet lëvizja deri në 21:00, ndërkohë që nga e hëna nuk do të ketë më fasha orari në zonat e gjelbra.
