Në tregun e këmbimit valutor vendas, të hënën euroja dhe dollari amerikan forcuan pozitat në këmbim me lekun, krahasuar me fundjavën. Sipas kursit zyrtar të Bankës së Shqipërisë, monedha europiane këmbehet sot me 123,54 lekë, ose 0,17 lekë më shumë se në fundjavë.
Ndërsa dollari amerikan u ngjit në kuotën e 114,32 lekëve, 0,16 lekë më shumë një ditë më parë. Ndryshe nga franga zvicerane që u forcua me 0,18 lekë, paundi britanik u zhvlerësua ndaj lekut me 0,78 lekë duke u këmbyer me 138,46 lekë.
Vlera e lekut kundrejt valutave të huaja përcaktohet lirisht në tregun e këmbimit valutor. Luhatjet e kursit të këmbimit reflektojnë lëvizjen e lirë të mallrave e të kapitalit në shkëmbimet tregtare dhe financiare të Shqipërisë me partnerët e saj tregtarë.
