Shprehja “ku hyn dielli, nuk hyn mjeku”, nuk gjen vend në çdo kohë. Kur flitet për verën e veçanërisht në pikun e të nxehtit, rrezatimi i fortë shkakton plakjen e lëkurës deri dhe melanomën. 67 raste të reja diagnostikohen çdo vit me melanomë, një kancer me vdekshmëri të lartë.
Mjekët dermatologë bëjnë apel për kujdes ndaj lëkurës, mbrojtjen e saj si dhe kontrollin e vazhdueshëm të nishaneve. Kur një pjesë e popullsisë i janë drejtuar zonave bregdetare, dermatologia Monika Fida tregon për a2 se sa duhet të qëndrojnë në diell për të mos marrë rrezatime të dëmshme.
“Nga ora 12:00 deri në 16:30 nuk duhet të ketë ekspozim në diell. Të ekspozohen me kremëra të lartë mbrojtës, me syze e kapele”, thotë dermatologia. Në muajt e nxehtë të verës, pacientët më të shpeshtë në shërbimin e dermatologjisë janë për shkak të infeksioneve, djegieve nga dielli, alergjive dhe problemeve nga pickimet e mushkonjave.
