Tete fëmijë nga fshati Plan i Bardhë në Klos përjetojnë çdo ditë skenat e personazheve të vegjël të filmit “Flutura në kabinën time” në rrugën e arsimit . Për shkak se bashkia ka dështuar tu sigurojë mjet transporti, ata i dërgojnë në shkollë rreth 7 kilometra larg, por në kthim detyrohen të ecin rreth dy orë në këmbë.
Çdo mëngjes, këta tetë fëmijë të lagjes “Kodra e Kukës” në fshatin Plan i Bardhë shkojnë në shkollën e Klos Katundit si personazhet e vegjël të filmit “Flutura në Kabinën time”
Janë transportuesit e kromit nga Bulqiza në Durrës, ata që i marrin fëmijët buzë rrugës dhe u kursejnë disa kilometra ecje në këmbë në mes të të ftohtit.
“Këta janë ditë për ditë në këtë rrugë, është minus temperaturat janë të ulëta”
Por pas mësimit fëmijët nuk e kanë të njëjtin fat. Atyre u duhet të udhëtojnë për gati dy orë në këmbë për tu kthyer në shtëpi.
“Dy orë në këmbë, temperaturat dhe koha është e ftohtë. Makinat nuk na marrin”
Strukturat lokale prej vitesh kanë dështuar tu sigurojnë transport edhe pse e kanë detyrim.
Por përfaqësuesit e opozitës kërkojnë që ata të mos fshihen vetem pas njohjes së problematikës, por ti japin zgjidhje.
“I bëj thirrje qeverisë, kryeministrit Rama që të marrë masa për transportimin e këtyre nxënësve”, tha Xhemal Gjunkshi Ish Deputet i PD
Burime pranë zyrës vendore të Arsimit në Bashkinë Klos, nga ana tjetër thonë se askush nuk i është përgjigjur tenderit për të marrë përsipër transportin e nxënësve, për shkak të numrit të paktë që sipas shofereve nuk justifikon koston. Në këto kushte, këta tete fëmijë mbeten flutura në kabina kamionësh në rrugën e dijes.
