Mazhoranca në Komisionin e Ekonomisë ka miratuar ndryshimet në ligjin “Për lojërat e fatit”, të cilat përcaktojnë se në datën 31 dhjetor 2018 ato do të mbyllen. Në komision ishte i pranishëm edhe ministri i Ekonomisë, Arben Ahmetaj.
“Qeveria ka një pozicion zyrtar, – tha Ahmetaj, – në 31 dhjetor 2018 mbyllen kazinotë, bastet sportive, gara sportive dhe me kafshë, sallat e bingove dhe lojërat e fatit elektronike online (në distancë). Industria do të krijojë një diferencë në të ardhurat buxhetore, por kjo nuk ka pikë rëndësie për ne.”
