Efektivi i policisë së Kosovë ka humbur jetën nga koronavirusi dhe motra e tij i ka dedikuar fjalët prekëse. Në një shkrim në rrjete sociale, thotë se Ilir Gjoka ishte shtylla dhe krenaria e shtëpisë, ndaj nuk di si do jetojë pa të. “I dashur vëllau im, na ike në moshë të re. Na thave shpirtin bre Ilir Gjoka, ne u rritëm bashkë, perveç që ishim vëlla e motër, ishim shokë dhe ekip i fortë bashkë, nuk di si do jetoj pa prezencën tënde, pa shakatë tuaja, pa këshillat e tua dhe pa forcën dhe mbështetjen e madhe që ma dhe gjithmonë.
Mungesën tënde nuk e zëvendeson askush o ylli jonë i bukur. Qe shtylla e shpisë, krenaria jonë, i shërbeve atdheut dhe popullit pa e kursyer veten në asnjë moment… qysh bre na tradhtove kështu. Kujtimet me ty do të mbesin gjithmonë sirtar i çmuar i zemres time”, shkroi ajo. Zyrtari policor i Gjakovës vdiq nga koronavirusi në moshën 40 vjeçare.(A.M/Faxweb.al)
