Turistët kosovarë dhe maqedonas kanë zbarkuar në Vlorë. Ndryshe nga vitet e mëparshme ku zgjedhja e tyre ishte kryesisht Shëngjini dhe Durrës, këtë vit, pushuesit kanë vendosur si destinacion të tyre edhe bregdetin e Jonit.
Pushues: Vlora duket shumë e bukur dhe shumë të tjerë ma kanë sugjeruar dhe më pëlqen shumë.
Në Vlorë është për herë të parë, më herët kam qenë në vendet si Shëngjin. Kushtet janë shumë të mira, plazhi shumë i bukur, kemi bërë ca ekskursione në Sazan, në Karaburun. Jemi në vendin shqiptar, mikëpritja është e bukur. Qyteti shumë bukur, e kemi vizituar muzenë. Infrastruktura mirë, nuk ka vërejtje.
Turistët shprehehen se do të rikthehen sërish në Vlorë, por ngrenë disa shqetsime të lidhura kryesisht me higjenën, si mungesa e banjove publike në plazhe apo edhe dusheve, të cilat në pjesën më të madhe të plazheve të qytetit të Vlorës mungojnë.
Pushues: Së pari nuk ka tualete publike këtu hiç. Çfarë të bëjë ky fëmijë këtu në plazh ku të shkojë. Nuk ka dushe.
Pushuesit i konsiderojnë ccmimet të favorshme, duke e bërë këtë një tjetër arsye për të qenë besnik ndaj bregdetit të Vlorës.
