Policia në Shkodër ka arrestuar një 37-vjeçar, pasi kreu manovra të rrezikshme me një makinë, që dyshohet se sapo e kishte vjedhur. Efektivët shprehen se ky shtetas rezultonte gjithashtu në kërkim për veprën penale “vjedhja”.
“Kreu manovra të rrezikshme, me automjetin që sapo kishte vjedhur, arrestohet 37-vjeçari.
Nga verifikimet rezultoi se ai ishte në kërkim nga Policia e Durrësit, gjithashtu për vjedhje.
Patrulla e Përgjithshme e Komisariatit të Policisë Shkodër, sapo është njoftuar se shtetasit I. D., 70 vjeç, i kishin vjedhur automjetin tip “Ford”, në lagjen “10 Korriku”, ka organizuar punën për identifikimin dhe kapjen e autorit/ëve. Si rezultat, u vu në pranga shtetasi R. Sh., 37 vjeç”, thuhet në njoftim.
