Ambasada shqiptare në Kroaci tha sot se në kuadër të angazhimit të Diasporës shqiptare në zhvillimin ekonomik dhe social tё Shqipërisë është krijuar platforma “Rrjeti i profesionistëve të Diasporës”.
“Kjo platformë e re synon takimin, në nivelin profesional, të të gjithë profesionistëve shqiptarë, brenda dhe jashtë vendit, me qëllimin e përbashkët për shkëmbim informacioni dhe përvoje”, shprehet Ambasada.
Po ashtu, Ambasada shqiptare në Kroaci shton se objektivi kryesor i platformës është krijimi i një harte interaktive të profesionistëve, bizneseve dhe shoqatave shqiptare në Diasporë.
Në platformën: https://www.adbc.al/fillon-funksionimin-rrjeti-i-profesionisteve-te-diaspores/ përfshihet edhe kategoria e biznesit. Platforma i ofron përdoruesve profesionistë shqiptarë në Diasporë mundësi informimi, bashkëpunimi, punësimi dhe investimi.
Për t’u bërë pjesë e komunitetit më të madh të profesionistëve shqiptarë në Diasporë mund të klikohet në faqen: https://rrjetiprofesionisteve.al/ për të bërë regjistrimin.
Ambasada e Republikës së Shqipërisë në Zagreb dëshiron që të ftojë të gjithë përfaqësuesit e profesionistëve të Diasporës shqiptare në Republikën e Kroacisë për t’u bërë pjesë aktive në këtë projekt madhor.
