Nga kryetari i bashkisë Dritan Leli : Një fabrikë prodhimi, përtej rëndësisë së produktit, është gjithnjë një mundësi punësimi. Takova dhjetëra çuna e goca sot, në fabrikën e këpucëve Panther, në Babicë. Të gjithë të përkushtuar, të gjithë të siguruar, që nga shërbimi i infermierisë e deri te mensa e përditëshme. Mirëpo, Natales, njërit prej bashkëpronarëve italianë të këtyre superprodhimeve që shpërndahen nëpër botë, nuk i mjafton!
Çdo ditë kërkon fuqi të re punëtore. Më kërkoi sot 100 punëtorë që mund t’i shtonte në ndërmarrjen e tij brenda ditës, por ditë me kërkesa si kjo kanë kaluar shumë dhe askush nuk ka ardhur t’i shtohet ekipit të tyre. Punoni, punoni, punoni, çdo ditë, sepse e ardhmja varet vetëm nga ajo çfarë bëjmë sot!
