Çdo student që është regjistruar për të qëndruar në ambjentet e godinave në Qytet Studenti paguan 45 mijë lekë të reja për një vit akademik. Ndërsa në një dhomë qëndrojnë 3 persona.

Pamjet e siguruara nga RTV Ora tregojnë atë çfarë fshihet pas këtyre mureve të godinave. Muret janë me lagështirë, të çara. Tualetet kanë qenë prej vitesh një problem dhe ende në gjendje të mjerueshme.

Studentët prej kohësh e kanë ngritur zërin prej kohësh por ende nuk kanë marrë zgjidhje nga Ministria e Arsimit. Për mikrofonin e Ora Neës ato shprehen se kërkesat e tyre kanë rënë në vesh të shurdhët. Sipas tyre Ministria e Arsimit nuk po i mbështet ato sa i përket stehimit dhe kërkesave të tjera.

Studentë: “Problemet  tona kryesore janë muret e plasaritura dhe plot lagështirë, janë shtretërit shumë të prishur dhe të pisët. Gjithashtu tualetet, janë po të njëjtat kushte shumë të vështira për të jetuar normalisht.”

“Kushtet në konvikte janë cnjerëzore, nuk po shohim asgjë dhe tek konviktet. Pra me pak fjalë, Ministria e Arsimit thjesht po fle gjumë dhe po na takson cdo ditë e më shumë.”

Në konviktet e Qytet Studentit qëndrojnë rreth katër mijë studentë nga të gjithë rrethet.

/Ora News