Chelsea, sipas raportimeve, po konsideron largimin e Frank Lampard nga detyrat e tij si trajner kryesor. Blutë ishin në fillim të sezonit si pretendentë të mundshëm për titullin e Premier League, por paraqitja zhgënjyese ka bërë që ata humbin katër nga shtatë ndeshjet e tyre të fundit në të gjitha garat. Gjigantët kryeqytetas kanë marrë vetëm një fitore nga gjashtë përballjet e tyre të fundit në kampionat, ndërkohë, për të zbritur në vendin e tetë në tabelë, shtatë pikë larg fundit.
Humbja e fundit ndaj Manchester City ka bërë që drejtuesit të mendojnë seriozisht largimin e Lampard. Londinezët e kanë të vështirë të jenë konkurrues duke humbur shumë terren në raport me rivalët në Premier League. Ky ishte një vit ku drejtuesit prisnin diçka ndryshe pasi nuk u kursyen aspak në tregun e transferimeve duke i dhuruar trajnerit elementë shumë cilësorë dhe të kushtueshëm si Timo Werner apo Kai Havertz. As ky fakt nuk ka mjaftuar dhe në Londër po flitet gjithnjë e më shumë për një shkarkim të mundshëm të Lampard.
Sipas mediave angleze, vendin e tij në krye të Chelsea mund ta marrë Thomas Tuchel. Ish-trajneri i PSG pëlqehet shumë nga drejtuesit e bluve, për momentin është i parë në listë nëse Lampard nuk arrin t’i jap një kthesë të fortë këtij sezoni që po shkon drejtë dështimit.
