Është ndarë nga jeta gjatë ditës së djeshme në mënyrë të papritur mjeku kirurg Abdyl Myzyri. Humbja e tij ka qenë e parakohshme në moshën 61-vjeçare, ndërsa të shumta kanë qenë mesazhet e ngushëllimit nga ana e kolegëve të tij. Por në mesin e atyre që kanë pasur një qendrim publik lidhur me këtë ndarje nga jeta, ka qenë dhe mjeku Petrit Vargu, i cili shprehet se Myzyrit nuk i është çuar një ambulancë në Spille, që mund t’i kishte shpëtuar edhe jetën.
Vargu shkruan më tej se Myzyri do të shkëlqejë dhe mungesën e tij, ndërsa shton se do tiu mungojë të gjithë miqve që i ka pasur të shumtë. Nuk dihet ende saktësisht se çfarë ka ka çuar në vdèjken e Myzyrit, por dyshimet janë se ai ka humbur jetën si pasojë e një infarkti.
“Te qofte dheu i lehte Dyl Myzyri! Mjekesiseshqiptare qe i kushtove jeten, nuk t’u gjend prane as me nje ambulance, ne te vetmin moment qe pate nevoje. I kemi degjuar shpeshhere te deklarojne se per 15 minuta jane ne cdo skaj te Shqiperise. Por cuditerisht, dje ne kete ore, ne Spille, ne zemer te Shqiperise, nuk u duken kurre. Ne i njohim mire, prandaj i demaskojme. Ti shkelqen me mungesen tende dhe nuk do te harrohesh kurre nga miqte, duke i lene erresiren dhe turpin sistemit shendetesor Shqiptar”, shkruan Vargu në postimin e tij në rrjetet sociale.
