Presidenti Ilir Meta ka shpërndarë në facebook thirrjen e Ministrisë së Jashtme, ku i kërkohet shtetasve shqiptarë në Ukrainë që të largohen sa më parë nga vendi, për shkak të k onfliktit të a rmatosur që me shumë gjasa mund të shpërthejë javën e ardhshme.
Njoftimi i Ministrisë së Jashtme: Ministria për Evropën dhe Punët e Jashtme është duke ndjekur me kujdes zhvillimet pranë kufirit ukrainas. Duke marrë parasysh rrezikun e besueshëm të përshkallëzimit të situatës, MEPJ këshillon të mos udhëtohet drejt Ukrainës.
Gjithashtu, Ministria për Evropën dhe Punët e Jashtme i bën thirrje shtetasve shqiptarë që të largohen nga Ukraina sa më parë. Qytetarët e Republikës së Shqipërisë që ndodhen në Ukrainë mund të kontaktojnë për asistencë në numrat: +48 22 824 14 27; +48 501 194 910; ose në adresat e emailit: [email protected]; [email protected]; [email protected] Qytetarët shqiptarë ftohen që të informohen përmes kanaleve të komunikimit të Ministrisë për Evropën dhe Punët e Jashtme.
