Zbulohet skema abuzive e legalizimeve në Durrës, ku të implikuar janë disa zyrtarë. Policia bënë me dije se është ndaluar R.K., 27 vjeç, ekonomist pranë Agjencisë Shtetërore të Kadastrës Durrës si dhe janë shpallur në kërkim Zv/ Drejtori dhe Specialisti F.R., 28 vjeç,
Report Tv mëson se zv. drejtori i shpallur në kërkim është Arben Isaku, ish drejtori i ALUIZNIT në Durrës, aktualisht sekretari organizativ i PS në këtë qytet.
Arben Isaku
Skema e tyre është zbuluar pas një hetimi disa -mujor ku është pikasur rasti i shkeljes nga tre personat në fjalë. Ata kishin pajisur me leje legalizimi të falsifikuar Xh.N., 29 vjeç, banues në Durrës dhe E.S., 39 vjeç, banues në Berat për një sipërfaqe 123 metra katror dhe truall 500 metra katror në zonën e plazhit.
Ndërkohë mësohet se në kërkim janë shpallur edhe personat të cilët janë pajisur me lejen e legalizimit pasi Prokuroria e Rrethit Gjyqësor Durrës ka nxjerrë urdhër ndalimi për veprën penale ” Vjedhja me pasoja të rënda” parashikuar në nenin 134/3 të Kodit Penal.
Policia njofton se materialet i kaluan Prokurorisë së Rrethit Gjyqësor Durrës për veprime të mëtejshme.
