Në fazën e nëntë të operacionit anti-drogë të zhvilluar në disa zona të qarkut Lezhë, uniformat blu kanë zbuluar 2583 bimë kanabis, të cilat u asgjësuan me anë të djegies.
Bimët narkotike u zbuluan gjatë kontrolleve në territorin e fshatit Skuraj, Kurbin, në një zonë të pyllëzuar dhe të vështirë malore, ku u gjetën 2215 bimë narkotike kanabis, në fshatrat Fushë Kuqe dhe Gërnac, Kurbin, u gjetën 337 bimë kanabis dhe në fshatin Kolsh, Lezhë, u gjetën 31 bimë kanabis .
2583 bimët kanabis, të cilat u gjetën të kultivuara në minisera dhe në tokë, në fshatra të ndryshëm, në Kurbin dhe në Lezhë, u asgjësuan me anë të djegies.
Ndërkohë, policia po vijon hetimet në bashkëpunim me Prokurorinë Lezhë, me qëllim identifikimin dhe arrestimim e autorit/ëve të kësaj veprimtarie kriminale.
Gjatë 8 fazave te meparshme të këtij operacioni në fshatra të ndryshme të qarkut, u asgjësuan në total 12.196 fidanë dhe bimë narkotikë, si dhe u vunë në pranga 3 shtetas dhe u shpall në kërkim 1 tjetër, autorë të dyshuar të kësaj veprimtarie kriminale
