Humbja e dashurisë dhe humbja e kuptimit të jetës janë dy arsyet kryesore që e thyejnë një zemër. Dhimbja të vret, mirëpo ka edhe “ilaçe” që shërojnë një zemër të thyer. Më poshtë do të keni mundësinë të lexoni 4 këshilla si të ecni përpara edhe pas ndarjes nga një lidhje e gjatë:

Jeni të fortë

Ju jeni të plotësuar me veten. Jeni të fortë, të zgjuar dhe të çmuar. Keni veten dhe nuk duhet askush tjetër për ta konfirmuar vlerën apo për t’ju sjellë lumturi. Askush në këtë jetë nuk është i pazëvendësushëm, mbajeni mend këtë gjë.

Përballuni me të tashmen, mërzituni dhe lëvizni

Lidhja mund të ketë qenë mjaft e bukur, por tashmë ka mbaruar. Ndaloni së menduari për veprimet tuaja dhe për ato që mund të kishit bërë ndryshe. Mos vini në dyshim arsyet pse partneri u zhvendos dhe mos u përpiqni ta riktheni, sepse gjërat nuk do të jenë kurrë njësoj. Nëse ata ju hodhën një herë, do ta bëjnë përsëri. Nuk ka asnjë arsye për të zgjatur. Lëreni veten të mërzitet, por lëvizni. Pasi të keni derdhur lot mjaftueshëm, lërini ato pas. Jepjani zemrën tuaj dikujt tjetër, në të cilin keni besim dhe mos keni frikë të dashuroheni sërish.

Mbani mendjen dhe trupin tuaj të zënë dhe zemra juaj do të shërohet

Tani është koha e përkryer për t’u përqëndruar në karrierën tuaj; për të filluar atë kurs që keni dashur të bëni për një kohë të gjatë, për t’u marrë me një hobi të ri, për t’u ribashkuar me disa miq të vjetër. Nuk është me rëndësi se çfarë zgjidhni të bëni për sa kohë që ju mban të zënë dhe ju ndihmon të ndiheni më mirë për jetën tuaj.

Rrethojeni veten me njerëz të lumtur

A e dini se buzëqeshjet dhe të qeshurat janë ngjitëse? Po, ashtu janë! Dilni me miqtë tuaj të gëzuar, shikoni komedi, lexoni libra komik, regjistrohuni në faqet e internetit komike. Thjesht hapeni mendjen dhe qeshni. Ka një thënie se çdo përfundim është një fillim i ri … koha juaj sapo ka filluar, kështu që shfrytëzojeni sa më mirë!