Moderatorja e njohur Luana Vjollca ka denoncuar në polici një 28-vjeçar nga Kosova pasi prej 3-muajsh e ka përndjekur këmba-këmbës. “BalkanWeb” raporton se 28-vjeçari që prej shkurtit dhe deri para pak ditësh e ka përndjekur moderatoren në ambientet e punës në televizion dhe në banesën e saj private në zonën e Kodrës së Diellit duke tentuar pa rreshtur që të komunikojë me të. Luana i është drejtuar komisariatit nr. 1 duke bërë kallëzim, por policia ende nuk ka mundur ta gjejë dhe shoqërojë të riun. Kujtojmë që moderatorja është gjendur në një situatë të tillë edhe në vitin 2017, kur një fans e përndiqte për gati 1 vit.
