Një 36-vjeçar ka rënë në prangat e policisë në Lushnjë pasi ushtronte veprimtarinë e basteve sportive në lokal. M.D., u kap në lagjen “Skënder Libohova” gjatë kontrollit në një lokal ku u konstatua ky shtetas që ushtronte veprimtarinë e paligjshme të lojërave të fatit përmes celularit.
Ndërsa në Barbullinjë u vu në pranga një 53-vjeçar pasi u konstatua jashtë banesës së tij, në kundërshtim me vendimin e gjykatës që e kishte lënë atë në masën e arrestit shtëpiak.
Njoftimi i Policisë:
Lushnjë
✅2 shtetas në pranga, për organizim të lotarive të palejuara dhe për largim nga vendi i vuajtjes së dënimit, në vijim të veprimeve operacionale të kryera në kuadër të megaoperacionit “Sundimi i ligjit”.
Specialistët për Hetimin e Krimeve të Komisariatit të Policisë Lushnjë kanë arrestuar në flagrancë shtetasit:
-M. D., 36 vjeç, banues në Lushnjë, pasi në lagjen “Skënder Libohova”, gjatë kontrollit të ushtruar në një lokal, shërbimet e Policisë e kanë konstatuar këtë shtetas, duke ushtruar veprimtarinë e kundërligjshme të lojërave të fatit (baste sportive në celular);
-B. T., 53 vjeç, banues në fshatin Barbullinjë, pasi është konstatuar nga shërbimet e Policisë, jashtë banesës së tij, në kundërshtim me vendimin e Gjykatës, e cila i kishte caktuar masën e sigurisë “Arrest në shtëpi”, për veprat penale “Mosbindja ndaj urdhrit të punonjësit të Policisë” dhe “Drejtimi i automjetit në mënyrë të parregullt”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
#angazhimpërkushtimsakrificë👮🚔
#tëvendosurkundërkrimit✅
#nëçdoskajtëvendit🇦🇱
#nëshërbimtëqytetarëve👮🤝🙍
#denonconë112📞
