Legjenda e Argjentinës, Diego Armando Maradona, është operuar me sukses në tru, ka njoftuar doktori i tij personal, Leopoldo Luque. Fituesi i Kupës së Botës me Argjentinën në vitin 1986 u shtrua në spitalin e Buenos Aires Ipensa të hënën, pasi kishte pësuar anemi dhe dehidrim.
Ai u operua urgjentisht të martën më mbrëmje dhe doktori i tij Luque ka thënë se Maradona e përballoi mirë operacionin. Ai do të mbetet nën kujdesin e mjekëve dhe çdo gjë është në kontroll, ka thënë Luque.
Maradona u transferua në Kliniken Olivos në La Plata, ku u operua nga mjeku Luque, i cili është neurokirurg. Operimi i tij zgjati 80 minuta. Maradona është trajner i Gimnasia y Esgrima në ligën elitare të Argjentinës.
Ai e udhëhoqi ekipin e tij kundër Patronatos të premten, ditën e ditëlindjes së vet të 60-të. Përkrahësit e Gimnasia y Esgrima janë mbledhur pranë spitalin për t’i ofruar mesazhe përkrahëse ish-sulmuesit argjentinas.
