Në Romë, disa qytetarë kanë nisur të protestojnë kundër marrjes së vaksinës anti- Covid. Mediat italiane shkruajnë se protestuesit, rreth 10 persona, hynë me forcë në zyrat e sindikatës më të vjetër në vend dhe prej atje hidhnin parulla “Liri, Liri”.
Pas kësaj, protestuesit tentuan të futën në kryeministri, duke kërkuar që vaksinimi të mos bëhet me detyrim. Sipas mediave, gjatë protestës, qytetarët u përplasën me policinë. Këta të fundit pas shumë thirrjesh pa sukses, hodhën gaz lotsjellës. Mësohet se protesta u organizua nga eksponentë të “Forza Nuova” dhe neofashistët, drejtuesit e të cilëve u arrestuan në fund të manifestimit.
