Tetë shtetas shqiptarë u arrestuan nga policia kufitare italiane teksa donin të fluturonin nga aeroporti Malpensa për në Mbretërinë e Bashkuar, Irlandë dhe Kanada. Arrestimet u kryen gjatë fundjavës.
Metoda e ndjekur prej tyre ishte e njëjta. Kur mbërritën në Itali treguan pasaportën shqiptare, ndërsa kur u përpoqën të fluturonin drejt Londrës dhe Dublinit treguan dokumente false.
Gjithashtu, në fundjavë, edhe tre të huaj, një kinez, një algjerian dhe një shqiptar, të kapur me dokumente false, po hetohen në gjendje të lirë.
Aktiviteti i zbatimit të ligjit çoi në sekuestrimin e 12 dokumenteve, përfshirë 5 pasaporta të falsifikuara nga vendet për të cilat nuk kërkohet vizë, 5 karta identiteti nga vende të ndryshme të Evropës, një vizë britanike dhe një leje qëndrimi belge.
Për më tepër, 19 shtetas të huaj u refuzuan në kufi dhe u rikthyen në vendet e origjinës, pasi u zbulua se nuk mund të hynin në vendet e zonës Shengen, si pjesë e kontrolleve të kryera në rreshtin e parë dhe të dytë nga personeli.
