Një ngjarje e rëndë ka ndodhur në Durrës në orët e para të mëngjesit të sotëm. Sipas policisë, një 43-vjeçar ka djegur këmbën, pasi në banesën ku po qëndronte, ra zjarr.
“Durrës/Informacion paraprak. Më datë 01.07.2021, rreth orës 04:25, në lagjen nr. 13, Plazh, Durrës, në një banesë të pabanuar, ka marrë flakë një kabllo elektrike dhe si pasojë është djegur në këmbë shtetasi H. D., 43 vjeç, i cili pas ndihmës mjekësore ndodhet në gjendje të mirë shëndetësore. Grupi hetimor po punon për përcaktimin e shkakut të zjarrit”, njofton policia.
