Vlorë Seksioni i Hetimit Ekonomik e Financiar ka proceduar shtetasin S.L., për arsye se pas kontrollit të ushtruar në subjektin e tij “Servis, tregtim celularësh dhe kompjuterash” janë konstatuar disa aparatë celularë pa faturë blerjeje apo dokumentacion origjine.
Eshte bërë sekuestrimi i tyre me vlerë totale rreth 400 000 lekë të rinj. Policia ka arrestuar në flagrancë shtetasin A.K., 52 vjeç, banues në fshatin Qeparo, Himarë, pasi ky shtetas është kapur në aksin rrugorë Qeparo-Vlorë duke drejtuar automjetin pa leje drejtimi përkatës. Materialet iu referuan Prokurorisë për veprime të mëtejshme.
