Presidenti Ilir Meta ka zgjedhur që këtë të dielë të përcjellë një mesazh përmes një fotoje ku shfaqet vetë ai teksa në dorë mban një domate të papjekur.
“Përshëndetje miq! Domatet duan ende kohë për t’u pjekur. Do durojmë edhe ca!”, tha Meta.
Nuk dihet se për kë është ky është mesazh i presidentit të Republikës, por ai vjen pas replikave dhe sulmeve në distancë që ky i fundit ka pasur ndaj qeverisë.
Dy ditë më parë kreu i shtetit i dërgoi një letër sekretarit të përgjithshëm të OSBE-së Thomas Greminger, ministrit të Jashtëm të Sllovakisë Miroslav Lajčák (që ka kryesimin e radhës) dhe Presidentit të Asamblesë së OSBE-së që të ndërmjetësojnë zgjidhjen e krizës në Shqipëri mes shumicës dhe opozitës.
