Presidenti Ilir Meta është në një linjë me ambasadoren Yuri Kim dhe ka shpërndarë pa asnjë koment apo shënim mesazhin e saj për liderët e partive politike në Shqipëri.
Kim pak minuta më parë shkroi se liderët e partive politike do të mbajnë përgjegjësi për kandidatët që garojnë nën siglën e partive të tyre, prandaj i bëri apel atyre që të verifikojnë kandidaturat, mos i fyejnë votuesit, mos dëmtojnë demokracinë dhe mos nxisin korrupsionin.
Paralajmërim: Ndërsa partitë përgatiten për zgjedhje, liderët do të mbajnë përgjegjësi për ata që garojnë nën flamurin e tyre. Ju lutemi vetoni kandidatët tuaj – mos i fyeni votuesit, mos e dëmtoni demokracinë, mos nxitni korrupsionin.
